Chillle esch eini vo de Hauptaktivitäte vo Schüeler ond Studis. Öb i de Bar, i de Natur oder im Schuelzemmer. Wemmer was chönd den esch's das.
Us dem Grond hend mer euch die hängigste, chilligste ond beste Plätzli zäme gsuecht zom abhänge, trenke ond rede, nachme herte Schueltag oder ere langwilige Geografie Stond. (b.O.B)
ANGEL's Hitzkirch |
Wer ned of en bestemmte Musigstiil fixiert esch fühlt sech do secher wohl. Vo Oldis bes Hip Hop lauft alles. | Met de schwarze Ledercouch -Garniture hedmer hie secher nie en wonde Arsch. Also perfect för die wo lenger wend höckle ond öber Gott ond d Welt rede. | 3.50 för en Stange ond 9.- förn Pitcher send secher gueti Priise. Wer lieber en Limo wet, ged met 3.30.- secher au ned zvell us. (Lola Ferrari Shot: Hot!) |
 |
Vegas Hitzkirch |
Mer wörds dem chliine aber gemütleche Pub ned gä, aber es lauft tatsächlech fast nome Hip Hop. Be eusem Bsuech semmer vo eim Burner nachem andere beschallt worde. | Es hed nor wenig Setzglegeheite was ned ombedengt zom allzulang bliibe iilad. Aber scho nome weg de geile Deko eschs Pflecht dört mal ganes Bierli (oder Mineral) znä. Grosse Fyrabeastorm! | Met 4.- pro Stange ond 3.70.- vörne Limo sends Humani Priise. Bes am 7ni esch osserdem Happy Hour: Alles halbe Priis. Studentefröndlech! Shibby! |  |
Baldegger Seebad Baldegg |
De See hed eifach das gewisse etwas. Chillig, Natur Pur, ond cooli Lüüt. Im Wenter zwor eher weniger geignet, osser mer chan en Ofe iiheize. : ) |
D Omgebig esch ganz easy, chli bädele ond hänge. D Coco fend allerdengs: "Die Deko lässt zu Wünschen übrig." | För armi vom Staat lebendi Studente genau s rechtige. Wemmer ke Geld hed brengt mer s eigete Bier met. Esch au das ztüür den chläteret mer öber de Zuun ond spart sech de Iitret. |  |